تعرف تفرق بين الكتكوت الجيد  والكتكوت الفرزة – الضعيف والمصاب

الصورة الاولى
أزاي تعرف هل الام بشاير ولا قطيع شباب يعنى فى فترة البيك ولا قطيع فى اخر إنتاجه

ودا هامة جدًا فى معرفة المناعة والتحويل وكل الكلام اللى قلناة كتير قبل كدا
بتقيس طول الكتكوت من اول المنقار الى منتصف الاصبع لو كان طولة 18 الى 19 سم يكون بشاير
لو من 19الى 20 دا ممتاز جدا فى قمة الانتاج
لو اطول من 20.5 فدا قطيع كبير خاصة لو عدى ال21 سم

العيب التاني

معرفة حيوية الكتكوت
بتقلبه على كف ايدك لو اتقلب بسرعة بمجرد ما جطيتة فدا حيويته جيدة لو استمر اكثر من 3 ثواني على ما يتقلب دا وسط
لو مش عارف يقلب نفسة خاصة زي اللي في الصورة دا فدا حيوية تعبانة
العيب الثالث
اقلبة علشان تشوف التهاب السرة
العيب الرابع
التهاب مفصل القدم نتيجة خلل فى التفريخ
العيب الخامس

اتساخ المنقار زي الصورة كدا مع او بدون اتساع فتحة المنقار
ودا يعنى التعرض لبرد فى الفقاسة او الطريق

العيب السادس

اقبله علشان تشوف بطنة كبيرة زي الصورة كدا دلالة على زيادة حجم كيس المح عن الطبيعي
ودا راجع للتفريخ في حرارة اعلى من المطلوبة واحيانا رطوبة بردة

دي بعض العيوب طبعا بجانب عيوب كتير أخرى كتبناها سابقا ( ارجع للبوستات القديمة )
النصائح لو جالك كتاكيت فيها احد الصفات دى هنكتبها فى اول تعليق
عيوب أخرى مكمله لما سبق
** حجمة اقل من 34 جرام
** حجم الراس اكبر من الطبيعي
** تهدل الاجنحة مع صغر حجمة
** فحص الحوصلة وتحصلها فاضية بعد نزوله بفترة وجيزة
** الارجل باردة
** اختفاء اللمعة فى الارجل والمنقار
** ظهور اول ريش القوادم من اول يوم طبعا دا معماه انه فاقس بدرى
** الميل المستمر الى الجلوس جانب الجدار حتى لو الحرارة كويسة
** عدم الانتشار في الحرارة الطبيعية
** حارشيف الارجل مساء وناعمة تدل على اناث اكثر من الذكور والاناث وزنها اقل
** عيون غير منتبهة خاملة او مغمضة
** منقار طرى يمكن ثنية بسهولة
كل دا ممكن تكشف علية من اول ما تشوفه